በሀገራችን የልማት እንቅስቃሴውን ለመምራት የሚያስችሉ ልዩ ልዩ ፖሊሲዎችና ስትራቴጂዎችን በመቅረጽ እና እነዚህንም መነሻ በማድረግ የረጅምና የመካከለኛ ጊዜ ዕቅዶች ተዘጋጅተው ተግባራዊ ሲደረጉ ቆይተዋል፡፡ የአዲስ አበባ ከተማ አስተዳደርም ከተማዋን በ2017 መካከለኛ ገቢ ካላቸው ከተሞች ተርታ ለማሰለፍ የተለያዩ ፖሊሲዎችና ስትራቴጂዎች ተነድፈው ተግባራዊ ሲደረጉ ቆይተዋል፡፡ እነዚህ ፖሊሲዎችና ስትራቴጂዎች በፈጠሩት አመቺ አካባቢያዊ ሁኔታዎች በመታገዝም በከተማችን ባለፉት ተከታታይ አመታት ፈጣን የኢኮኖሚ እድገት ማስመዝገብ ተችሏል፡፡ አዲስ አበባ ከተማም በኢንቨስትመንት መስፋፋት ካላት የተመቻቸ ሁኔታ ማለትም  በከተማዋ የተሻለ የመሰረተ ልማት ዝርጋታ፣ የሰለጠነ እና በቀላሉ ሊሰለጥን የሚችል የተማረ የሰው ኃይል፣ ለወጪና ገቢ ምርቶች ምቹ ሁኔታና ከፍተኛ የገበያ ፍላጎት መኖርና…….ወዘተ ከሁሉም በላይ ሰላሙ ለኢንቨስትመንት የተመቻቸ ያደርጋታል፡፡